Imanol Goenaga

Leitzarango ibai-parke berria: Papelera eraitsi eta lurzorua deskontaminatu; kanpo igerilekua, kirol-arrantza eremua eta kanpalekua dituen naturgunea garatzeko.

Ama Kandida biziberritu 400 etxebizitza eta Ziako errekaren bideratzearekin. Kanal berriaren inguruan familia aisialdirako gune atsegina sortu ibilbide berriekin.

440 aparkaleku plaza sortzea, kalean (anbulatorioa eta hilerri zaharra, Karrika auzoa…) eta lurpeko (Arrate eta Zumea plazak, Leizaur parkea) gune berrietan.

Familia-bizitza, zaintza eta jaiotza tasaren jaitsierari aurre egin. Haurtzaindegiaren doakotasuna, kontziliazioa erraztu, patio inklusiboa Ondarretan eta parkeak estali.

Herri eskuzabala eta irekia. Kultura-aniztasuneko zerbitzua sortu. Ikastetxeen arteko lantaldea osatu segregazioa saihesteko neurri bateratuak bultzatzeko.

Kaleetan segurtasun handiagoa. Puntu beltzak desagerrarazi argiztapena hobetuz eta bideo-zaintza bidez, udaltzaingoaren kaleko presentzia areagotu.

Andoain berde eta osasuntsua. Ibaiertzeko paseoak elkartuz ibilbide zirkularra osatu. Lasarte-Oriarekin bidegorri konexioa bultzatu, N-I-aren paraleloan.

Zinema zaharrean liburutegi berria eraiki eta kiroldegia handitzea. Ezinbestekoa da eskaintza modernizatzeko eta herriko taldeen beharrei erantzuteko.

Etxeberrieta auzoaren eraberritzea bultzatu, bertako bizilagunen beharrak kontutan hartuta. Izturitzaga etxearen azterlanak amaitu Karrikari bultzada emateko.

Proposamen berritzaileak garatu aisialdian eta kirolean, herriko gazteen euskararen erabilera ohituretan aldaketak bultzatzeko.