JOSU BASOZABAL

Pizgarri fiskalen edo zuzeneko dirulaguntzen bidez, jarduera ekonomiko berriak ezartzen lagunduko dugu, profesionalak eta enpresak erakarriz.

Hezkuntza komunitatearekin batera, ikasketa gelak jarriko ditugu martxan, udal liburutegiaren modernizazioa eta etengabeko ikaskuntza ikastaroak antolatuko ditugu.

Udal eta kirol azpiegiturak hobetuko ditugu eta adin guztietarako egokia den kirolgune edo gimnasio berri bat sortuko dugu, genero ikuspegiarekin.

Arratiako Mankomunitatearekin eta Bizkaiko Foru Aldundiarekin batera, zerbitzuak eta prestazioak hobetuko ditugu. Alokairu sozialeko etxebizitzen eskaintza dugu helburu.

Hiri Antolamenduko Plan Orokorra bultzatuko dugu, integratzailea, berdintasunezkoa eta iraunkorra izango den dokumentu bat garatuz, azpiegitura publikoak bezala.

Areatza N-240 errepidearekin nola lotu aztertuko dugu. Areatzari hirigune historikoari perimetralak diren aparkalekuak emango dizkiogu.

Herritartasun askea, prestatua eta kritikoa nahi dugu. Horretarako, diruz lagunduko ditugu parametro horiek betetzen dituzten jarduerak antolatzen dituzten tokiko elkarteak.

Funtzionatzen duen euskararen foro sozial bat garatzea da gure helburua. Arlo guztietan euskararen erabilera areagotzeko jarduerak eta programak sustatuko ditugu.

Udal lurzoruetan energia komunitate berriztagarri bat sortuko dugu Areatzako etxebizitza guztien onurarako, eta gas naturalerako aldaketa gauzatuko da.

Erakundeekin lankidetzan, Arratiko udalerriek Euskotrenekin eta Galdakao-Usansolora helduko den metroarekin izan daitekezan loturak aztertuko ditugu.