Mikel Uribetxebarria

Arreta soziosanitario zentro aitzindaria, eta Komentuan, eguneko gizarte zentroa eta jubilatuen egoitza gauzatuko ditugu. Etxebizitza komunitarioen proiektuarekin jarraituko dugu.

Herritar aktibo eta osasuntsuak behar ditugulako, kirol praktika nagusiak indartuko ditugu eta Iturrigorri pilotalekua eraberrituko dugu.

Aretxabaletaren etorkizuna direlako, gazte talde desberdinen jarduera eta proiektuak gauzatzeko baliabide amankomunak areagotzen jarraitzeko konpromisoa hartzen dugu.

Lausita kaleko hornidura eta saneamendu sareak berrituko ditugu. Kiroldegi aurreko berdegunean ur jolasak, kalistenia parkea eta aisialdirako elementuak jarriko ditugu.

Aretxabaleta bizia nahi dugulako, herriko merkataritza eta ostalaritza denboran iraunarazteko bideak erraztu eta tresna berriak garatuko ditugu sektorearekin elkarlanean.

Punta-puntako hezkuntza institutu berria eraikiko dugu. Horrela, kalitatezko hezkuntza bermatzen jarraituko dugu gure herrian.

Kultura eta kultur eragileekin gaude: musika, dantza, arte eta sorkuntza ekosistemaren ekintzak gauzatzen jarraitzeko gunea eragileekin elkarlanean garatuko dugu.

Udal eraikinen eta ondarearen kudeaketa eraginkorra egingo dugu, herriko eragile orok bere tokia izan dezan. Energia berriztagarrien erabilera hedatuko dugu.

Ingurumenarekiko gure apustua sendoa da: udal basoetan bertako zuhaitz espezien presentzia areagotu eta baratze komunitarioak bultzatuko ditugu.

Gobernantza eredu ireki eta gardenean sakontzen jarraitzeko konpromisoa hartzen dugu, gertutasuna mantenduz eta herritarrei lehentasuna emanez.