IOSU UDAETA

Ingurumena zainduko dugu eta hondakin-uren tratamendu arduratsua bultzatuko dugu. Ur edangarriaren kalitate, kantitate, jario eta tratamendu egokia bermatuko dugu.

Eskola txikienen topagune izatea nahi dugu. Familia eta bizitza pertsonala kontziliatzen laguntzeko ekintzak sustatu eta azpiegiturak hobetuko ditugu.

Kultura eta aisiarako eskaintza areagotuko dugu, gure herritarrek egin nahi dizkiguten planteamenduak entzunez.

Aisialdia bultzatu eta topaguneak sortu nahi ditugu udalerrian. Horretarako, erabilera anitzeko lokal bat jarriko dugu herritarrek goza dezaten.

Emakumeen eta gizonen arteko berdintasuna babesteko aktibitateak sustatuko ditugu. Bide horretan jarraituko dugu inor atzean ez uzteko.

Eskualdean eta mankomunitatearen laguntzarekin, mugikortasun plan bat garatuko dugu kalitatezko garraioa emango duen zerbitzua bermatzeko.

Energia berriztagarria sortzeko sistemak ezarriko ditugu udal instalazioetan. Energia garbiak sortzeko alternatibak aztertzen ari gara (eguzki plakak edo aerotermia).

Gure udalerriari bizitza ematea eta ekonomia mugiaraztea da gure lehentasunetako bat, auto-enplegurako aukerak ahalbidetuz.

Herri elkarteei (kulturalak, sozialak, jai batzordeak, guraso elkartea…) bideratutako partida ekonomikoa handituko dugu.

Bizkaiko Foru Aldundiarekin lankidetzan, gure udalerria zeharkatzen dituzten errepideak hobetuko ditugu.