JOSEBA DÍEZ

Arrazpi Kiroldegi zaharra eraitsiko dugu eta kirol gunea berrantolatzeko aprobetxatuko dugu: futbol zelairako harmaila estalia, padel pista, SkatePark eta estalitako joku gunea.

Presalde eta Sagastui kaleak berrituko ditugu, oinezkoentzako gune seguru eta erosoagoak bilakatuz: espaloi zabalagoak, xarabeak, etab.

Etxebizitza hutsen errolda egingo dugu, alokatzen dutenei OHZ hobaria emango diegu, eta birgaitzea babestuko dugu, gazteek etxebizitza-aukerak izan ditzaten.

Autokarabanentzako aparkaleku bat eraikiko dugu, ibilgailu horien aparkalekua antolatzeko eta, horrela, helmuga turistiko jasangarriaren izaera indartzeko.

Iturbero kaletik Amezagaraino doan Iduiako bidea LED argiekin argituko dugu. Horrela, neguko arratsaldeetan ere erabili ahal izango da.

Udalaren eta industrialdeko enpresen arteko hitzarmen bat bultzatuko dugu, udalerriko gazte eta langabeei lan-aukera bat emateko.

Belaunaldien artean ezagutza eta historia transmititzeko memoria programa bat martxan jartzea “Asparrena Oroitu”.

Gure herriko jaietarako eta ospakizun tradizionaletarako baliabideak handituko ditugu: Landa-inauteriak, Olentzero, Errege Magoak, Danborrada, Umorezko Antzerki Jaialdia.

Bi argi-pantaila jarriko ditugu, bata Presalde Kalean eta bestea kirolgunean, asteko ekitaldiei buruzko informazioarekin: kulturalak, kiroletakoak, sozialak, etab.

Desfibriladoreak eta lehen laguntzako tresnak jarriko ditugu Asparreneko herriguztietan. Administrazio Batzarrekiko lankidetza sakonduko dugu.