Aitziber Egaña

Herri atsegin, bizigarri eta osasuntsu bat nahi dugu, non haurrak, gazteak eta adinekoak, bazterketarik gabe, elkarrekin bizi eta pertsona gisa garatu ahal izango garen.

Gobernu ona, kudeaketa zorrotza, gardena, gertukoa eta partaidetzakoa, horiek izango dira gure irizpideak: gureganatu egiten dugu gobernantza onaren eredua.

Gure aletxoa jarriko dugu aldaketa klimatikoaren aurkako borrokan, administrazio publikoen lankidetzarekin, eta neurri eraginkorrak martxan jarriz.

Asteasuarrak Asteasun bizitzen jarraitu ahal izateko, etxebizitza berrien eraikuntza babesten jarraituko dugu eta plangintza urbanistiko on bat sustatuko dugu.

Eusko Jaurlaritzarekin lankidetzan, programa bat ezarri langabezian dauden pertsonei prestakuntza eta enplegu-aukera berriak modu pertsonalizatuan emateko.

Behar diren baliabideak bideratu gure herriko pertsona ahulenentzat. Gizarte-laguntzak modu justu eta nahikoan emateko konpromisoa hartzen dugu.

Auzo guztietako bizilagunen beharrei arreta berezia ipini, auzo ezberdinetan egon daitezkeen arazo edo beharrei erantzunez. Zerbitzuak eta behar diren obrak bermatuz.

Gazte eta helduentzako ekimenak abian jarri nahi ditugu, aisialdiko jarduerak garatzeko esparru bat ezarriz, ikuspegi didaktiko, kultural eta inklusiboarekin.

Emakume eta gizonen arteko berdintasuna, benetakoa eta eraginkorra, lortzea ezinbestekoa da. Genero ikuspuntua kontuan hartuta egingo ditugu udal politikak.

Herriko elkarteekin elkarlanean, euskara eta herriko bizitza soziokulturala sustatu eta garatuko dugu: soziala, kulturakoa, artistikoa, aisialdikoa eta kirol esparruan.