Ana Maria Azkoitia

Aparkalekuen inguruko azterlana egingo dugu, herriko zein tokitan egokitu daitezkeen aparkalekuak ikusteko, kokapena eta aurrekontua kontuan hartuta.

Plazaberri eraberritu nahi dugu, eta hori lortzeko, hurrengo legealdian proiektua landuko dugu.

Alde Zaharreko etxebizitzei eta landa eremuko baserriei eragiten dien araudiak aldatuko ditugu, indarrean dagoenak gehiegizko mugak ezartzen dituelako.

Trantsizio energetikoan urratsak emango ditugu, plaka fotovoltaikoen aldeko apustua eginez eta komunitate energetikoen gaia aztertuz.

Azkoitiak euskararen arnasgune izaten jarrai dezan, lanean tinko jarraituko dugu. Bereziki, haurren artean euskara indartzeko ekimenak jarriko ditugu martxan.

Gizarte berdinzalea eta inklusiboa nahi dugu, inor atzean uzten ez duena eta justiziaz eta gizalegez jokatzen duena. Horren alde egingo dugu.

San Martinen pasealekua eta aisialdirako gunea egokitzeko dauden aukerak aztertuko ditugu, eta bideragarritasun ekonomikoa landu.

Lehendik datozen proiektuei jarraipena emango diegu: Floreagako hurrengo faseei, igerilekuen handitzeari, eta Txalonerreka eta Intsaustiko eremuak urbanizatzeari.

San Jose Egoitzako hobekuntzekin jarraituko dugu, Udalak eta Foru Aldundiak duten hitzarmena oinarri hartuta. 4,7 milioi gora inbertituko dira.

Etxebizitza hutsen inguruko azterlana egingo da, herrian dagoen eskariaren arabera, ahalik eta etxebizitza politika eraginkorrena aurrera eramateko.