ALFONSO SAN VICENTE

Lidergoan oinarrituz, udala desblokeatuko dugu, lankidetza bultzatuko dugu udalaz gaindiko erakundeekin eta baliabide ekonomikoak optimizatuko ditugu.

Udal gardena nahi dugu. Horregatik, kontratu publikoak eraginkortasunez kudeatzearen alde egingo dugu, zerbitzuak behar bezala emango direla bermatzeko.

Balmaseda udalerri erakargarria izatea lortuko dugu, erabilgarri dagoen lurzoru industriala enpresak sortzeko eta inbertsioa erakartzeko erabiliz.

Herri irisgarriagoa nahi dugu. Proiektu inklusibo eta parte-hartzaile bat garatuko dugu, kaleak eta auzoak mugikortasun murriztua duten pertsonei egokitzeko.

Herria bizitzeko leku erakargarria bihurtuko dugu. Horretarako, Alde Zaharreko eta Balmasedako auzoetako eraikinak birgaitzeko eta egokitzearen alde lan egingo dugu.

Gazteei, BOEn bidez, etxebizitza eskuratzeko erraztasunak emango diegu eta Gazteria Suspertzeko Programa garatuko dugu, alor desberdinetan, haien premiei erantzuteko.

Udalaz gaindiko erakundeekin negoziatzearen aldeko apustua egiten dugu, finantzaketa lortzeko udal azpiegituretan asmo handiko proiektuak gauzatu ahal izateko.

Ditugun baliabide turistikoak optimizatuko ditugu, naturalak zein ondarezkoak, Bizkaia bisitatzen duten pertsonen aisialdiko katalogoetan erreferentzia izateko.

Hiribilduari bere erreferentziazko estatusa itzuliko diogu. Balmasedaren irudia nabarmendu nahi dugu, eskualdeko hiriburua den aldetik, administrazio hutsetik haratago.

Inork ez ditu Balmasedako benetako beharrak herritarrek baino hobeto ezagutzen eta, horregatik, hainbat parte-hartze prozesu jarriko ditugu abian.