MIREN ITZIAR UNIBASO

Goierri eta Artepeta auzoak lotzeko konpromisoa hitzeman dugu. Horretarako, txirringaz joateko bide bat planteatu eta egingo dugu gune biak lotuz.

Barrikako eraikin publikoetan eguzki plakak instalatzeko prozesua abian jarriko dugu, eraikin hauetan nahikotasun energetikoa lortzeko.

Zaurgarritasun egoeran egon daitezkeen gizataldeak herrian integratzeko politikak finkatuko ditugu, salbuespen fiskalei eutsiz, eta genero berdintasunaren alde lan egingo dugu.

Euskara bultzatzen jarraituko dugu gure kaleetan euskararen ikusgarritasuna areagotzeko eta bere erabilera prestigiatzeko. Jarduerak sustatuko ditugu eta euskararen ikaskuntza diruz lagunduko dugu.

Gure herriko HAPOa ahalik eta erarik jasangarrienean garatu nahi dugu, gure udalerriaren benetako beharretan enfokatuz. Babes Ofizialeko etxeen eraikuntza babestuko dugu.

Butroe itsasadarraren sarrera eta irteera pantalan txiki bat instalatuko dugu kirolzaleei erraztasunak emanez eta mugikortasun murriztua duten pertsonentzat egokitua.

Aisialdiko jarduerak finkatuko ditugu: Gabonetako merkatuak, Marinela, Kosta Pirata, umeentzako udalekuak…

Auzotaxi zerbitzua zabalduko dugu. Orain, zerbitzua finkatzea eta Bizkaiko ospitale eta espezialitateetako anbulatorio guztietara zabaltzea da helburua.

Itsaslabarrerainoko bidexkaren trazadura egokituko dugu, seinaleztatuz, eta intereseko puntu naturalak eta arkeologikoak ezagutaraziz.

Oinezkoentzako eta txirringaz joateko ibilbidea seinaleztatuko dugu gure errepideetan, gure auzoak elkarren artean konektatuaz eta segurtasuna areagotuz.