Mikel Lete

Bergararren ongizatea bermatuko dugu, proiektu eta zerbitzu berritzaileak eta integralak sustatuz. Desberdintasunak murriztuko ditugu, baliabideak eskainiz: inor atzean utzi gabe.

Gazteek beren bizitza proiektua Bergaran izatea nahi dugu: babes ofizialeko etxebizitzak, alokairurako dirulaguntzak, formaziorako laguntzak eta gazteak elkartzeko aisialdirako guneak sortuz.

Hirugarren adin aktibo baten alde lan egingo dugu, EUSKADI LAGUNKOIA ekimena bultzatuz. ARIN zentroko zerbitzua indartu eta San Joxepek dituen beharrak ere aseko ditugu.

Miguel Altuna zaharra ekipamendu kulturala bihurtuko dugu. Musika Eskolak, Erraldoi Taldeak eta kultur taldeek elkarlanerako espazio duin bat izateko.

Teknologia berrietan eta tokiko giza kapitalean oinarritutako 4.0 enpresa-ekimenak bultzatuko ditugu. Herriko merkataritza, ostalaritza eta autonomoak babestu.

Bergarako mugikortasunari erantzun integrala emango diogu: aparkamendu gabeziari irtenbidea, auzo-taxia indartu, bidegorriak osatu, herribusa birplanteatu…

Kirol eragileekin elkarlanean Agorrosin definituko dugu: aldagela berriak, irisgarritasuna bermatu, espazio librea egokitu, gimnasioa handitu eta Ipintzako belarra berritu.

Bergara eraldatuko dugu atsegina, irisgarria eta jasangarria izateko: Martoko-Labegaraieta ardatza birmoldatu, Simon Arrieta plaza, landa auzoak egokitu, jolas parke estaliak.

Energia berriztagarrien ezarpena eta erabilera bultzatuko dugu: herritarrak energia berriztagarriak sortzen eta kudeatzen ahaldunduz, EKIOLA bezalako elkarlanerako proiektuen bitartez.

Berdintasuna eta euskara gure zeharkako lan ildoak izango dira, proiektu ororen oinarria. Aniztasuna eta elkarbizitza bultzatuko ditugu, komunitatearen balioa indartuz.