ORLAN ISOIRD

Pertsonak helburu. Gazte Plan bat bultzatuko dugu etxebizitza eskuratzeko politikak garatuz, eta adinekoen zentro berrian Eguneko Arreta Zerbitzua sustatuko dugu.

Berrizen berdinak gara. Emakumeen eta gizonen arteko berdintasuna, indarkeriaren aurkako borroka, Berdintasunerako V. Plana eta Andragune topagunea sustatuko ditugu.

Berriz herrigintzan. Kudeaketa-eredu arin eta eraginkorra bultzatuko dugu, inor atzean utzi gabe, pertsonei arreta emateko, entzute eta informazio kanal hobetuen bidez.

Berriz iraunkorra. Bizikleta plan bat bultzatuko dugu, oinezkoentzako pasealekuetan hobekuntzak, hondartza naturalizatu bat eta askaldegi bat.

Berriz suspertuz. Tokiko merkataritza biziberritzea, industrialdea hobetzea eta handitzea, enplegua sortzea, nekazaritzako testguneak eta larre komunalak bultzatuko ditugu.

Berriz kalez-kale. Berrizbeitia, Matza, Legaño, Zengotitabengoa, instituturako sarbidea berrituko dugu, eta aparkaleku eta komun publiko gehiago eta jolasgune baten estaltzea sustatuko ditugu.

Sei auzo, herri bat. Auzoetako bideak eta seinaleak hobetuko ditugu, eta San Juan, San Fausto eta Andikoako santutegiaren inguruak birgaituko ditugu. Lariz eta Besoita modu seguruan konektatuko ditugu.

Zerbitzuak hobetuz. Zerbitzu publikoetan berrikuntzak egingo ditugu eta Udaltzaingoaren Zerbitzua zabalduko dugu segurtasuna hobetzeko.

Gure herrian bizi. Kultur Etxea, kiroldegia, frontoia, belodromoko teilatua eta futbolzelaiko berdegunea eta aldagelak hobetzea bultzatuko dugu.

Berriztarrak gara. Berriz anitza da, balioak eta nortasuna ditugu. Gure kultura, hizkuntza, tradizioak, ondarea eta elkarte-mugimendua zainduko ditugu.