ITZIAR GARAMENDI

Merkataritza, ostalaritza eta turismoa sustauko doguz bono-kanpainen bidez, kutxazain automatiko bat jarriz, fabrikako aparkalekua handituz eta Nagusia kalea oinezkoentzat eginez.

Alokabiderekin lankidetzan, udalerrian daukagun alokairu-parkea handituko dogu, eta etxebizitza sozialak sustauko doguz Etxebideren laguntzarekin.

Nekazariei eta abeltzainei lagunduko deutsegu, negozio barrien ezarpena sustatuz. Tokiko produktuen azoka babestuko dogu, gure hurbiltasuna eta konpromisoa senti daien.

Auzokideen, udalaren eta Bizkaiko Foru Aldundiaren arteko lankidetza indartuko dogu basoa erosteko eta guztien artean kudeatzeko, gure herriaren bizi-kalitatea hobetze aldera.

Eskola indartuko dogu. Udalerriko ikastetxean ikasleak matrikulau daitezan dirulaguntzak emongo doguz, urteko 500 euroko zenbatekoan.

Taxi zerbitzua lehen orduan hobetuko dogu, behar handien dabenek, mediku espezialistarengana jo daien Gernikara edota Lekeitiora.

Euskararen erabilera bultzatuko dogu, alkarte eta dendekin alkarlanean plan integral bat diseinatuz. Ibarrangelu, Elantxobe eta Ispasterregaz kultur eskaintza indartuko dogu.

Ean kontsumitzen den energia guztia ekoizteko helburuarekin, eguzki-plakak eta aerosorgailuak instalatzeko laguntzak, OHZn hobariak eta obra-lizentziaren doakotasuna eskainiko ditugu.

Eskola zaharraren eraikin bat prestatuko dugu herriko gazteek erabil dezaten. Bigarren eraikinean, aterpetxe edo ostatu zerbitzua eskaintzeko lan egingo dogu.

Beletxeri erabilera bat emoteko lan egingo dogu, eraikin garrantzitsu hau gure bizilagunen zerbitzura egon dadin. Gure helburua herrira eta herriari hurbiltzea da.