ELIXABETE ETXANOBE

Elixabete Etxanobe Landajuelaren hausnarketa da hau (Otxandio, 1978). Zuzenbide Ekonomian lizentziaduna da Deustuko Unibertsitatean, ezkondua, bi seme-alaben ama eta hemendik aurrera EAJ-PNVren hautagaia Bizkaiko Foru Aldundiaren burutzan Unai Rementeria Maiz ordezkatzeko. “Ohore bat da, poztasun handia, besteek nigan jarri duten konfiantza hori, baina erantzukizun erraldoia ere bada, erakundearen beraren garrantziagatik eta historiagatik zein Alderdiaren ibilbideagatik”, aitortu du Bizkaiko Foru Aldundiaren Herri Administraziorako eta Erakunde Harremanetarako diputatuak. Politikagintzan eta Administrazioko jardunean esperientzia luzea duen arren, Elixabetek jakin daki herritar askok ez dutela ezagutzen eta bere burua “pertsona langile, leiala eta lanean diziplinatua” bezala aurkezten du. “Beti izan dut nire ingurunea hobetzen laguntzeko bokazioa”.

Elixabetek Zuzenbide ikasketak egin zituen Deustuko Unibertsitatean eta, 2001ean karrera amaitu ondoren, Madrilera joan zen abokatutza master bat egitera. “Garai hura benetan gogorra izan zen. Ikasten ari nintzen bitartean urgazle gisa lan egiten nuen bulego batean, nire gastuak ordaintzeko. Asko ikasi nuen, eta bi urte geroago etxera itzultzea erabaki nuen toki administraziorako oposizioak prestatzeko”. “Une hartan zerbitzu publikorako bokazioa piztu zitzaidala uste dut, eta nire ibilbide profesionala administrazioari eskaintzea erabaki nuen; izan ere, irmoki sinesten dut arlo publikoaren garrantzian, gure gizartea eraldatzeko eta hobetzeko”.

Politikagintza beti izan dut bizitzako parte bat. “Etxean EAJkoak izan gara beti,familia osoa, aitaren partetik zein amaren partetik. Politika txiki-txikitatik atsegin izan dut eta konbentzituta nago egiten duguna dela herritarren zerbitzura lan egitea. Politikarik gabe ezerk ere ez luke funtzionatuko”, esan du. Bere lehen esperientzia politikoa EAJ-PNVren ordezkari gisa 2007an izan zen Otxandioko zinegotzi gisa, Bildu Alkatetzan zegoela. Eta handik Gasteizera, Eusko Jaurlaritzara. “2013an Parlamenturako zerrendetan sartu nintzen. Kontatu didatenaren arabera Erkorekak oinarri tekniko ona zuen norbait bilatzen zuen Toki Administrazioko gaiak eramateko eta Unaik (Unai Rementeria) nitaz hitz egin zion”, esan du.

“Urte haiek benetan onak izan ziren. Josu Erkoreka eta Peru Bazakorekin lan egiteko aukera izan nuen, administrazio publikoan, politikan eta bizitzan eskarmentu handiko pertsonak. Biei esker nire prestakuntza teknikoari benetako politika gehitu nion; harremanen parte bat, eskarmentu handiko pertsonak ezagutzekoa eta negoziatzekoa, adibidez, Euskadiko Toki Erakundeen legearen garatze prozesuan -Udal Legea izango zena- eta herri honetan falta genuen zerbait”.

Udal Legea prestatzen egindako lana oso esperientzia aberasgarria izan zen Etxanorentzat, eta Bazakoren erretiroak ireki zizkion Erakundeekiko Harremanetarako sailburuordetzaren ateak. 2020an, legegintzaldi aldaketarekin, Erkorekarekin batera eta sailburuorde gisa baita ere, Segurtasun sailera joan zen, “asko erakusten duen eskola bat da”, azaldu du.

Garai hark hilabete gutxi batzuk besterik ez zuen iraun. 2021eko martxoko astelehen batez Unai Rementeria Bizkaiko ahaldun nagusiaren deia jaso zuen. “Bere lantaldean sartzea proposatu zidan. Erronka handia zen, zalantzarik gabe espero ez zuen aukera ilusionagarria”, argitu du. “Aurrerapausoa ematea erabaki nuen; Unai gisaseme burutsua da ikuspegi politiko zabalarekin. Unai bezalako pertsonek zentzua ematen diote politikari”.