MIKEL ARRUABARRENA

iroldegi berri bat proiektatuko dugu Fytasako lurretan, Eleizaldeko instalazioekin lotuta egongo dena. Era honetan, kirol-eremu handi bat sortuko dugu.

Egungo kiroldegiko lurretan etxebizitza eraikitzea planteatzen dugu, gazteek Elorrion etxebizitza eskuragarria eta kalitatezkoa aurki dezaten.

Lurzorua deskutsatzeko laguntza publikoak bideratuko ditugu eta Pullako poligonoaren behin betiko tramitazioa bultzatuko dugu enpresak herrian geratu eta erakartzeko.

Erreka kalea berrituko dugu zoladura aldatuz, eta argiztapena eta saneamendua berrituz. Hirigune Historikoko gainerako kaleen mantentze-lanak hobetuko ditugu.

Haurreskola publikoaren erreforma integrala bultzatuko dugu eta itunpeko ikastetxeen instalazioak hobetzen lagunduko dugu. Eskola Kontseilua sortuko dugu.

San Pio kalea norabide bakarreko bide bihurtzeko lanak sustatuko ditugu, espaloiak handituko ditugu eta Ibarrako bidegorriari jarraipena emango diogu.

Kurutziagan biribilgune bat eraikiko dugu, inguruan dabiltzan autoen abiadura murrizteko; horrela, ezbehar-tasa handiko puntu bat kenduko dugu.

Energia berriztagarrien autokontsumorako ekimen partikularrak babestuko ditugu eta udal eraikinetan energia horien ezarpen progresiboa sustatuko dugu.

Airearen kalitatea hobetzen lagunduko duten politikak eta ekintzak koordinatuko ditugu udalerriko gainerako erakunde publiko eta enpresekin batera.

44 plazako aparkaleku publiko bat sortuko dugu Montorrosten, Viviendas de Bizkaia urbanizazioaren ingurua arintzeko.