ANE LEGARRETAETXEBARRIA

Eguzki-plakez hornitutako argiteria publikoa ezarriko dogu herriko sarrera nagusietan eta eraikuntza publikoetan eguzki-plakak jarriko ditugu, ingurugiroa zainduz.

Erakunde desberdinekin elkarlanean jarraituko dogu herritarren mugikortasuna hobetzeko. Bidegorriak Fruizko auzoen artean egiteko aukerak aztertuko doguz.

HAPO-aren garapenarekin jarraituko dogu, fruiztarren etxebizitza-beharrei erantzuteko, batez ere gazteena, euren bizitza proiektuak herrian garatzea posible izan daien.

Osasunaren zaintza indartzen dituzten parkeak eta ibilbide osasungarriak sustatuko ditugu, heldu eta gazteentzat. Fruiz naturaz inguraturiko herria izanik, ezin hobeto.

Fruiz herri irisgarria izateko beharrezko proiektuak aurrera eramateko konpromesua hartzen dogu, hirigintza-oztopoak kenduz, espaloietako sarbideetan adibidez.

Udalaren kudeaketa eraginkorra eta gardena egiten jarraitzeaz gain, parte-hartzaileagoa bihurtuko dogu. Komunikazio-bide errazak eta eraginkorrak martxan jarriko ditugu.

Udalerri inklusiboago eta berdintasunarekin konprometituago baten alde lan egingo dogu. Horretarako, errespetuan oinarritutako proiektuak eta ekintzak abian jarriko ditugu.

Fruizko herritarren beharrizanak identifikatu eta erantzuna ematea da gure lana. Herritarren ongizatea da gure helburua, gure xedea pertsonak direlako.

Gure hondakinak kudeatzeko era aldatzeko beharra ikusten dogu. Guztion artean ingurugiroa zaindu dezagun lan egingo dogu, herri garbiago baten alde.

Udal-azpiegiturak hobetzen jarraituko dogu, errepideen mantentze-lanetan murgilduko gara eta saneamendu-sarea hobetzen ahaleginduko gara.