RAQUEL LARRUSKAIN

Legegintzaldi berri honetan, lurzoruak zehatz-mehatz ikuskatuko ditugu gazteen emantzipazioa sustatu eta udalerrian etxebizitza egin dadin bultzatze aldera.

Komunikazioa hobetzeko, mikrobus bat martxan jarriko dugu, horrela bai gure auzoen arteko garraioa bai hurbileko udalerrietara joatea erraztuko dugu.

Gure proposamena da San Pedro plazako udal-eraikina, Fabia Etxea, egokitzea bertan kultur etxea eraikitzeko. Proiekturik garrantzitsuenetarikoa izango da.

Gure kirol-instalazioak hobetzen jarraituko dugu. Futbol-zelaia hobetzeko esku hartuko dugu, eta padel-pista eta La Aceñako parkea estaliko ditugu.

Parkeak eta lorategiak ondo kontserbatzeko lorezaintza zerbitzua enpresa bati ematearen aldeko apustua egingo dugu. Udal-brigada bestelako zereginetan arituko da.

Udalerrian zenbait lanpostu sortzearen aldeko apustua egingo dugu. Gainera, gazteen enplegua sustatzeko beste programa batzuetan parte hartzen jarraituko dugu.

Zabor-bilketaren eta kokapenaren ikus-eragina hobetuko dugu. Hala, edukiontziak ingurunearekin bat datozen egituretan biltzeko aukera aztertuko da.

Auzoetara sartzeko udal-bideetan egiten den inbertsioa indartuko dugu eta udaleskumeneko bideetan altuerako landaredia kimatu eta kenduko dugu.

Gure ondare-elementuak kontserbatu eta mantentzeko lan egingo dugu, kultura-ondasun gisa deklaratuta daudenak nabarmenduz.

Galdamesko folk-jaialdia berreskuratzea izango da gure helburuetako bat, gure herriko kultura eta folklorearen aldeko apustu irmoari eutsiz.