ERRAMUN OSA

Podologia zerbitzua eskaintzea, auzo-taxia eta Osakidetzarekin lankidetzan, lehen arretako zerbitzua berreskuratzen ahalegintzea. Baserri-etxebizitzetan detektagailuak ipini.

Zahartze aktiboa eta gure nagusien zaintza. Irisgarritasunari lotutako arazoak identifikatu. Laguntzak eskatzeko eta bestelako prozedurak izapidetzeko laguntza eskaintzea.

Garaiko Hirigintza Plan berria gertatzea auzotar guztien parte-hartzea sustatuz eta adostasunak bilatuz; 32 urte igaro dira gaur egun indarrean dagoen araua onartu zenetik.

Herri bide zein igarobideak mantentzeko plangintza egin, udaletxearen atzeko eraikina birgaitu, gimnasio txikia atondu eta San Migel auzoko jolas-eremua estaltzeko proiektua prestatu.

Kultura, euskara eta ondarea biziberritzea. Gure ondare historikoa balioan jarri, kultura-jarduerak eskaintzeko ahalegina sendotu eta herriko toponimia osatu.

‘On line’ komunikazioa Udalarekin. Intzidentziak (matxurak eta abar) jakinarazteko aplikazioa webgunean eta alerta-zerbitzua. Irisgarritasun-arazoak identifikatuko ditugu.

Partaidetza indartu batzorde irekien bidez (hirigintza-plan berria, herriko ospakizun, kultura edo kirol programazioa). Lankidetza sendotu herriko elkarteekin.

Helburua da, gutxienez, udal zerbitzuek baliatzen duten energiaren %60 energia berriztagarrietatik lortutakoa izatea. Birziklatzearen eta konpostatzearen alde egitea.

Herri basoen azalera handitzea eta bertako espezieen eta hostozabalen kopurua ugaritu. Suteei-eta aurre egin ahal izateko, mendi-bideak garbitu eta horien kudeaketa egokia egin.

Nekazaritzako ustiategien etorkizuna bultzatu: azokak, Urkiola Landa Garapenetik eratorritako egitasmoak bultzatu, eta abar. Turismoa bultzatu.