PATRIK SAITUA

Herritarren iritziak eta ideiak aintzat hartzen dituen kudeaketa zintzoa, eraginkorra eta parte-hartzailea egingo dugu, herritarren aurrean entzute aktiboa landuz.

Agenda 2030eko helburuak betetzeko konpromisoa hartzen dugu. Udal eraikuntzak energia berriztagarriekin hornituko ditugu herri jasangarria lortzeko.

Gainontzeko administrazioekin eta ekimen pribatuekin lankidetzan arituko gara UBAI proiektuak duen garapen ekonomikoaren plana aurrera eramateko.

Kirol instalazioetan hobekuntzak egingo ditugu. Herriko ibilbideak mantendu eta hobetuko ditugu. Zahartze aktiborako ekintzak gauzatuko ditugu.

Herriko elkarteekin batera, gure ohiturak eta jaiak bultzatuko ditugu gure herriaren identitate propioa eta kultura mantentzeko. Euskarari bultzada emango diogu.

Berdintasunean oinarritutako politikak sustatuko ditugu, pertsona ahulenei laguntza emango diegu eta herritarren segurtasuna bermatuko dugu guztion ongizatea lortzeko.

Osasun zentroan hobekuntzak burutuko ditugu. Kalitateko aisialdiaren aldeko apustua egingo dugu. Andrabide harrobia atondu eta balorean jarriko dugu.

Plaza birmoldatzeko lanak bukatuko ditugu. Auzo bideak egoera onean mantenduko ditugu. HAPO-a bukatuko dugu, etxebizitza eskuragarriak egitea ahalbidetuko du.

Gure herriaren balioa azpimarratuko dugu, eskura ditugun baliabideak nabarmenduz. Karabanen parkinga egokitu eta arautuko dugu turismo iraunkorra lortzeko.

Montorre herri eskola bultzatzen jarraituko dugu. Beharrezkoak diren berrikuntzak egingo ditugu. Familientzako zerbitzu desberdinetan laguntzak eskainiko ditugu.