Anton Elosegi

Hondakinak kudeatzeko sistema berri bat bultzatuko dugu, ordutegi-muga kenduz eta bosgarren edukiontzi organikoa erabiltzeko erraztasunak eskainiz.

Adinekoen ingurunean zaintza sustatzen duten proiektuak garatuko ditugu. Zaintzen dituzten pertsonak ahaztu gabe eta hauek zainduak izateko duten eskubidea.

Indarkeria matxistaren aurka borrokatzeko proiektuak garatuko ditugu, eta emakume biktimak babesteko eta laneratzeko programak bultzatuko ditugu.

Landa-ingurune bizi, lehiakor eta erakargarri bat izateko azpiegiturak, sarbideak eta ekipamenduak hobetuko ditugu, horrela mugikortasuna hobetuz.

Kultura ezberdinen integrazioa eta bizikidetza hobetzeko proiektuak egingo ditugu, pertsona guztientzako aukera berdinak bermatuz.

Alokairu sozialeko eta kooperatibako etxebizitzak sustatuko ditugu, gazteei, beharra dutenei eta bazterkeria jasateko arriskuan daudenei lehentasuna emanez.

Ekonomia eta industria suspertzea funtsezkoa da aberastasuna eta kalitatezko enplegua sortzeko, horregatik industrialdeak berraktibatzea bultzatuko dugu.

Udalaren kudeaketan erantzukizuna, zintzotasuna eta zorroztasuna izango dira herritarrentzako arretaren eta zerbitzuaren oinarriak.

Bideragarritasun azterketa bat egingo dugu udal igerilekuen proiektuari ekiteko. Teknologia eta komunikazio-sistema berrien aldeko apustua ere egingo dugu.

Erabakiak hartzean herritarren parte-hartzea sustatuko dugu. Horrekin batera, gizarte-politika aurreratuen aldeko apustua egiten dugu.