AMAIA SAGASTI

Indartu egingo dugu Administrazio Batzarrekiko harremana, egungo lankidetza-eremua bultzatuz eta auzotarren mesederako proiektu komunak sustatuz.

Handitu egingo dugu kontzejuen aurrekontu-partida, dagoen lankidetza-ereduari eutsiz, bizilagun guztien berdintasuna bermatzeko.

Kulturaren arloan erreferente diren udalerriko pertsonekin lan egiteko foro iraunkor bat sortuko dugu, udalerriko herrien arteko gizarte- eta kultura-trukea sustatzen duten jarduerak antolatuz, kontzertuak, erakusketak, azokak eta gainerako jarduerak barne.

Inklusio- eta aniztasun-politikak sustatuko ditugu, emakumeen eta gizonen arteko berdintasuna bultzatzeko eta haurtzaroan eta nerabezaroan indarkerien prebentzioa bultzatzeko ekintzak abian jarriz.

Babestu egingo dugu herritarren autosorkuntza energetikoa, udal-zergen hobariaren bidez, bai eta udal-eraikinetan energia berriztagarriko sistemak instalatzearen bidez ere.

Herritarren parte-hartzea bultzatuko dugu, eta udal-kudeaketa garden, arin, arduratsu, eraginkor eta hurbilaren alde egingo dugu, auzotarrekin etengabe hitz eginez.

Nekazaritza- eta abeltzaintza-ekimenak bultzatuko ditugu, gure udalerriaren motor ekonomiko gisa. Gure produktuen eta marken balio erantsia indartuko dugu, Arabako Foru Aldundiarekin lankidetzan.

Lan egingo dugu adinekoentzako programetan, Iruraiz-Gaunako herrietako herritarren artean kohesio soziala sortzeko, horrela haien bizi-kalitatea hobetzeko.

Abian jarriko ditugu despopulazioa saihesteko politikak, lehendik daudenen osagarriak, udalerrian erroldatutako familientzako jaiotza-laguntza bultzatuz.

Komunikazioak hobetuko ditugu, bai garraioari dagokionez (joan-etorriak, argia kargatzeko puntuak eta abar), bai telekomunikazioei dagokienez.