GARBIÑE SAENZ DE BURUAGA

Aldundiarekin lan egingo dugu Basokoetxen pabiloi bat eraikitzeko proiektuan. Enpresak zuzenean kokatu ahal izango dira alokairu edo erosketa bidez.

Jasangarria eta energetikoki autonomoa den eskola bat eraikiko dugu, kalitatezko hezkuntza publikoa eskaintzen jarraitzeko eskola eremu ziurrago bat bermatuz.

Kanpoko frontoia estaliko dugu beste gune itxi bat sortuz, horrela urtean zehar egiten diren ekintzetarako eremu egokiago bat lortuz.

Zaharkitutako bideak hobetuko ditugu: Kurtxia zelai azpiko, Iparragirre, Adorrija eta Ormei. Zerengatik Iparragirrerako bidea publiko egin eta egokituko dugu.

Energia berriztagarrietan inbertsioak egingo ditugu. Era berean herritarrei aholkularitza eskaini eta komunitate energetikoa bultzatuko dugu.

Gizarte zerbitzuen zeregina indartuko dugu, herritar guztien eta, batez ere, hirugarren adinekoen ongizatea hobetzeko, Ispaster lagunkoiago bat eginez.

Sare publikorik gabeko baserrietan saneamendu obrak egingo ditugu, ahalik eta eskuhartze ekologiko eta iraunkorrenak eginez.

Bidezidorren eta bizikleta bideen proiektua gauzatuko dugu, udalerriko kultura ondasunak eta ondasun naturalak balioetsiz eta kirol aukerak sustatuz.

Euskara eta ondare kulturala dokumentatuko dugu eta herritarrengana zabalduko. Diaspora eta bertako jendea herriaren ikur bilakatuko dugu.

Udalerriko baso azalera handitu ondoren, horietan espezie autoktonoen eremuak handitzeko egin beharreko inbertsioak aztertu eta proiektatuko ditugu.