IÑAKI TOTORIKAGUENA

Gure herrian, oinez edo bizikletaz seguru ibiltzeko ekintzak egiten jarraituko dugu (espaloiak, bidegorriak...).

Ibarretxe Kultur Etxea handitzeko eta zerbitzu eta aukera berriak har ditzakeen gizarte-etxea sortzeko beharrak aztertuko ditugu.

Bideondoren garapenak, etxebizitza berriaz gain, espazio berde bat sortzeko aukera emango digu, haurrentzako parke estali batekin eta ur-jolas gune batekin.

Iurretako emakumeen eta gizonen berdintasunerako II. plana onartuko dugu. Plana garatzeko behar diren bitartekoak eta baliabide ekonomikoak jarriko ditugu.

Etxego ingurua urbanizatzen hasita, gazteei zuzendutako aisialdiko jarduerak zabalduko ditugu, espazio plural eta anitza bultzatuz.

Gure ibilbide-orria garatuko dugu udalerri jasangarriago bat lortzeko, trantsizio energetiko eta klimatikoari bultzada emanez.

Mallabienan espazio bat eraldatu nahi dugu Iurretako lehen kirol parke urbanoa eraikitzeko, skate eta pump truck gune batekin.

Ahalegin berezia egingo dugu Iurretako eremu eta txoko guztietara euskara eramaten jarraitzeko, gure udaletxetik hasita.

Nagusien zentroa berritu dugu, eta gure arreta eta zerbitzuak hobetzen jarraituko dugu, haien bizi-kalitatea bermatzeko.

Baserrietako etxebizitza-kopurua handitzea ahalbidetuko dugu, horien birgaitzea errazteko eta landa-guneak indartzeko.