BELEN FERNANDEZ

Etxebizitza berrien eskaintza handitzea erronka da, hori baita Lanestosak urte osoan biztanleria egonkorrari eusteko eta handitu ahal izateko modu bakarra.

Oinezkoen irisgarritasuna eta segurtasuna hobetuko dugu Lanestosako herrigunean. Horretarako kaleak eta zoladurak hobetzeko lanak egingo ditugu.

Auzo guztietan hobekuntzak gauzatuko ditugu eta argiteria publikoan inbertitzea aurreikusten dugu. Hori guztia gure udalerriko bizi-kalitatea hobetze aldera.

Aparkaleku publiko bat eraikitzeko hainbat kokalekuk eskaintzen dituzten aukerak aztertuko ditugu aparkaleku faltari erantzun egokiena eman ahal izateko.

Igerilekuak eta frontoia hobetzeko birgaitzeko eta egokitzeko hainbat obra egingo ditugu egungo jarduerak eta kultura-ekimen berriak hartu ahal izateko.

Aisialdiko eta denbora libreko jardueren eskaintza handitzeko, eta jarduera osasungarriak eta kirol-jarduerak egiteko gune berri bat sustatu nahi dugu.

Hondatzen diren haur-jolasak ordezkatzeaz eta beharrezko mantentze-lanak egiteaz gain, estalki bat eraikiko dugu umeek egunero gozatzeko aukera izan dezaten.

Zaila da garraio publikoaren maiztasuna handitzea, baina uste dugu, erakundeekin elkarlanean, Bizkaibusek ematen duen zerbitzua hobetu daitekeela.

Ezinbestekoa da herritarrek behar dituzten oinarrizko zerbitzuak sustatzea. Gure aldetik guztia jarriko dugu udalerrian supermerkatu bat irekitzea errazteko.

Kalera ibaiak lehen mailako ingurumen-balioa izaten jarrai dezan, beharrezko kudeaketak egingo ditugu Kalera ibaiaren ibilgua egokitzeko lanak egin daitezen.