Jon Antxordoki

Lasarte-Oriaren garapen ekonomiko-soziala bultzatuko dugu, BuruntzaldekovGarapen Agentzia tresna izanda, prestakuntza eta enplegua sustatuz.

Udalak haurreskola berriak sortzeko lokalak ematea bideratuko dugu, Haurreskola Partzuergoak plaza berriak sor ditzan.

Michelingo kiroldegi berria eraikitzeko lidergoa hartu eta errealitate egingo dugu eta Atsobakarreko erabilera anitzeko kirol gunea garatuko dugu.

Kultur-azpiegiturak eta kultur agenda sustatzea zor da. Dirua gehitu, Manuel Lekuona kultur-etxea birmoldatu eta Kotxeras-en kultur-gunea sortu behar dira.

Euskararekin konpromiso sendoa dugu, erabilera, normalizazioa eta elebitasuna helburu ditugu eta horren alde egingo dugu Udaletik eta gizartetik.

Berdintasuna bultzatuko dugu. Emakume eta gizonezkoen arteko arrakala gero eta txikiagoa izan dadin politika eraginkorrak sustatuko ditugu.

Alokairu sozialeko etxebizitzak, udalaren jabegokoak Zabaleta Berrin eta Oriagainen eta Zatarainen egitekoak. Hiria uztartu, Kotxeras auzo berria eraikiz.

Irisgarritasuna xede, erdigunea peatonalizatu eta Askatasun parkea egokitu. Igogailuak Zatarain eta Zabaletan. Hiribus eta taxibus zerbitzuak garatu.

Udala eta herritarren arteko harreman gardena eragin, administrazio digitala bultzatuz eta udal baitako elkarlana hobetuz.

Gazteentzako emantzipazio laguntza-programa, enplegua eta etxebizitza xede. Nerabeentzako aisialdi osasungarrirako gunea eta Gaztelekuren egokitzapena.