GORKA ELGEZABAL

Irmotasunez eta erabakimenez Giza Eskubideenganako errespetua landuko dogu, justizia sozialaren eta gizakien arteko bardintasunaren ondorio dan aldetik.

Alkarte barriak sortzeko ekimenak babestuko doguz eta herrian dagozanak sustauko doguz, behar besteko baliabide eta guneak emonaz beren jarduerak egin dagiazan.

Herriaren hazkunde adeitsu, jasangarri eta erakargarria sustau gura dogu, gure udalerriarren lurralde antolamendua ahalbidetuz.

Gure nagusiak gogoan izanik, gaur egungo oztopo arkitektonikoak kentzen jarraituko dogu. Trafikoa moteltzeko lanak egingo doguz, plaza biak lotuko dauan gune bat sortuz.

Esparru guztietan euskerea lantzen jarraituko dogu, alkarteen konplizidadea bilatuz eta horretarako ‘pilula digitalak’ erabiliz.

Alkarbizitza landuko dogu hezkuntza-guneak gure neskato eta mutilen beharretara moldatuz, Laukizen etorkizuna gazteak eurak diralako.

Administrazioaren zerbitzu digitaletarako sarbidea erraztuko dogu eta txartel elektroniko bat egingo dogu udal instalazinoetan sartzeko.

Herriko bideak asfaltauko doguz, probalekuan berogailua jarriko dogu eta herrigunean aparkaleku bat egingo dogu.

Gure ingurune naturala kirol praktikarako egokituko dogu, ibilaldi osasungarriak egingo doguz eta gune bio-osasungarriak sortuko doguz.

Zerga hobariakaz jarraituko dogu energia berriztagarrirako instalazioak sustatuz eta udal eraikinetan energia aurrezteko sistemak jarriko doguz.