JOSU LANDALUZE

Bi espaloi barri eraikiko doguz, Gatzarriñen eta Olabiden, bi biribilgune eta bizi-aparkaleku gehiago ipiniko doguz. Beti ere irisgarritasunaren alde.

Bi aparkaleku barri jarriko doguz, Ugeragan eta Moreagan. Sopelako metro geltokiaren ondoan igogailu bat ipiniko dogu eta udal txoko bat bultzatuko dogu.

Sopelab proiektuarekin jarraituko dogu, liburutegi barriagaz, ikasketa gelakaz eta erabilera-askoko lokalekaz. Euskara normalizazioa indartuko dogu.

Ripako sektorean, Artadiko saihesbidea garatzeko konpromisoa hartzen dogu, Sopela iparraldetik inguratuz erdialdean dagoen trafikoa lasaituko da.

Larrabasterran eguneko zentro bat sortuko dogu gure adinekoentzat, eta bardintasun-politiketan eta belaunaldien arteko arrakalaren aurka lan egingo dogu.

Lan egingo dogu puntu baltzak ezabatzeko, zerbitzu publikoak hobetzeko, herritarren arreta-ordutegia zabaltzeko eta Udalako sarbide digitala hobetzeko.

Udal-baliabideak optimizatuko doguz energia berriztagarrien bidez eta komunitate energetikoak ezarriz, beti udalerriko ingurune naturala zainduz.

Gazteentzako eta nerabeentzako aisialdi alternatiboa sustauko dogu, ingurune osasungarrian esperientziak parteka daiezan. Iturrietan ‘pump track’ pista bat sortuko dogu.

Kresalia garatuko dogu, gure historia, arkeologia, itsaslabarrak, trikuharriak, burdinazko garrikoa eta gure kultura ezagutzera emongo dauen interpretazino zentroa.

Tokiko eta eskualdeko enplegu-planak bultzatuko doguz, ekintzaileak lagunduko doguz aholkularitza emonez eta Sopelako produkzio-sistema indartuko dogu.