IÑAKI LEKUNBERRI

Sandidere eta Abiña berreskuratzeko, Sukarrietaren osotasuna defendatzen jarraituko dugu. Gure historia eta nortasun-ezaugarriak defendatuko ditugu.

Kanalako Gizarte Etxea erosteko konpromisoaz gain, Gotzaindegiarekin kudeatuko dugu plaza eta frontoia udal titulartasunekoak izatea.

Aurreko legegintzaldian abian jarritako irisgarritasun plana gauzatzen jarraituko dugu, Sukarrieta guztiontzako udalerri irisgarria izan dadin.

Udala eraginkortasun energetikoaren araudira egokituko dugu. Eraikin publikoetan eta herrian kontsumo energetikoa murrizteko, argiteria eraginkorragoak instalatuko ditugu.

Portuondoko ainguralekua legeztatzeko lan egingo dugu, gure bizilagunei lehentasuna emanez. Espazio honen iraunkortasuna bermatuko dugu.

Portuondoko senadia gure udalerriko bizilagunentzako aisialdirako gunea izatea lortuko dugu.

Udalerri zeharkatzen duen errepidearen arriskugarritasuna murriztuko dugu semaforoak jarriz eta abiadura murriztuz. Oinezkoen segurtasuna bermatuko dugu.

Behargintzarekin lankidetzan, Sukarrietako enplegu-tasa hobetuko dugu eta inguruan jarduera ekonomikoa sortzeko lan egingo dugu.

Sentsibilizazio-kanpainak antolatuko ditugu hondakinak murrizteko eta birziklatze-tasak hobetzeko. Onura publikoko mendietan espezie autoktonoak landatuko ditugu.

Haurrentzako kultur jarduerak, kirol jarduera taldeak, eta udalekuak mantendu eta sustatzen jarraituko dugu.