IBANA PÉREZ DE PIPAÓN

Trebiñarrek, Arabako parte izateari buruz erabakitzeko eskubidea baliatu ahal izatea bultzatuko dugu. Ekintzak bultzatuko ditugu bai Estatuko erakundeetan, bai Gaztela eta Leongo eta Euskal Autonomia Erkidegoko eskumen-eremukoetan.

Apustu egingo dugu azpiegiturak hobetzearen, ondarea babestearen eta ingurumena zaintzearen alde, udalerriko oinarrizko azpiegituretan (errepideak eta bideak, saneamenduak, argiztapena) bizi dugun atzerapen historikoa gainditzeko.

Gizarte-politiken arloan, hala nahi duenak Trebiñun zahartu ahal izatea ziurtatuko dugu, horretarako talde eta bakarkako azpiegiturak sortuz.

Ekintzailetzari eta nekazaritza ekologiko eta zero kilometrokoari lagunduko diegu, nekazaritza-jarduerak Trebiñuko bereizgarri izaten jarrai dezan. Ohiko lur, ekoizpen eta espazio komertzialak berreskuratuko ditugu.

Udalaren kirol-azpiegiturak birgaituko ditugu, bai kirolerako, bai beste kultura-jarduera batzuetarako eta euskara sustatzeko.

Integrazio-politikak garatuko ditugu, Berdintasun Plana berrargitaratuz, bai eta LGTBI giza taldea bistaratzea ahalbidetuko duten jarduerak ere, kolektibo horiek bistaratzea ahalbidetuko duten jarduerak programatuz.

Udaletik koordinatuko dugu kontzejuen integrazio aktiboa, ez bakarrik instituzionala, Arabako erakundeetan. Obra eta zerbitzuetan lankidetzan aritzeko laguntzen politikarekin jarraituko dugu.

Udalerrian era guztietako energia berriztagarriak bultzatuko ditugu, komunitateen eraketan aktiboki parte hartuz eta horiek sortzera animatuz, kudeaketa-eredu kooperatibo bat bultzatuz.

Enplegu-ekimen berrien alde egingo dugu eta enpresak sortzeko laguntza emango dugu (Start Ups, Net Working...), enpresa-ekimenen lehen urratsetan lagunduko duten lokal instituzionaletan enpresa-hazitegiak sortuz.

Ingurumenaren aldeko apustu garbia egingo dugu, eta ondarea defendatuko dugu: gure ekosistema, kultura eta ohiturak berreskuratu eta kontserbatuko ditugu, gure ondare historikoa, hau da, transmititu behar dugun oinordetza, balioan jarriz.