AMAIA ARTETXE

Udalerri garbia gura dogu. Herriaren garbitasuna hobetuko dogu, mantentze eta garbiketa zerbitzua indartuz. Arreta handiagoa eskainiko deutsegu zerbitzu komunei, eta argiteria eta etxebizitzetarako sarbideak hobetuko doguz.

Lehen sektorearen biziraupena bermatzeko plana jarriko dogu martxan. Gure inguruan babestu behar dogun sektorea da, kalidaderik goreneko elikagaiak eskaintzeaz ganera, gure inguru naturala eta gure tradizinoak babesten laguntzen daualako. Nekazaritzaren eta abeltzaintzaren alde egingo dogun lanak hainbat aukera emongo deuskuz.

Adin guztientzako kultura-programa erakargarria sortuko dogu, udalerriko kirol eta kultura elkarteakaz lankidetzan arituz eta Ubideko bizilagunen proposamenak entzunez. Lortu daigun udalerri aktibo eta bizi bat!

Urtero udalerriko gunerik hiritarrena eta plaza suntsitzen dabezan uholdeei irtenbideak emon gura deutsoguz. Udal baliabideak modu eraginkorrean kudeatuz, uholdeek udalerriari eragiten deutsiezan galerei eta hondamenei amaiera emango deutsegu.

Erakundeen arteko lankidetzaren bidez, ondoko udalerrien arteko konexioak indartzeko aukera aztertuko dogu, bai eta Ubideko bizilagunentzako oinarrizko zerbitzuak ematen diren zentro neuralgikoekaz ere.