IKER SANTOCILDES

Udal igerilekuen birgaitze integrala jasotzen duen proiektua diseinatuko dugu eta kirolinstalazio berriak eraikitzearen aldeko apustua egingo dugu.

Gure ondare historiko eta naturala nabarmenduko dugu. Nerbioi ibaiaren jauzira heltzeko anezka bat, eta mendian ibiltzeko eta txirringan joateko ibilbideak sortuko ditugu.

Oztopo arkitektonikoak kenduko ditugu, hirigune historikoan ibilgailuen pasabidea arautuko dugu, eta etxebizitzak eta azpiegiturak eraikitzeko HAPO berri bat diseinatuko dugu.

Gazteen aldeko apustua egingo dugu alokairurako laguntzak eta etxebizitza erosteko hobari fiskalak eskainiz, zerbitzu psikologikoa antolatuko dugu eta Kuadrillen Elkartea sortuko dugu.

Gure adinekoak zainduko ditugu, haiekin lankidetzan. Bakardadearen aurkako programa bat jarriko dugu martxan eta kolektibo honi zuzendutako zerbitzu guztiak indartuko ditugu.

Bizkaiko eta Arabako Foru Aldundiekin harremana eta elkarlana bultzatuko dugu, Urduña hiri gisa haztea ahalbidetuko duten asmo handiko proiektuak gauzatu ahal izateko.

Udalerriko industrialdea bultzatuko dugu Urduñara inbertsioa erakartzeko, eta enplegua sortzeko enpresak instalatzea eta sortzea sustatuko dugu.

Tokiko merkataritza eta ostalaritza bultzatzeko programa berriak jarriko ditugu martxan, laguntzen eta kanpainen bidez tokiko kontsumoa sustatzeko.

Urduñaren etorkizuna energia berriztagarrietan eta garapen iraunkorrean oinarritu behar da. Besteak beste, bidegorri bat sortuko dugu eta energia-kontsumoa optimizatuko dugu.

Urduñarrak dira hiriko beharrak ondoen ezagutzen dituztenak, horregatik kanal berriak sortuko ditugu beraien proposamenak eta kezkak jasotzeko.