FRANCISCO JAVIER CARRO

Jolas Leku pilotalekuaren eraberritze integrala egingo dugu, martxan jarriko dugun prozesu parte-hartzaile baten ondoren, plazen eta aparkalekuen ingurunerako aukerak zabaltzeko.

Gure helburua Ermandadeko ura mantentzea da. Izarrako Batzarrari laguntzea, Zuiako Udalarekin elkarlanean, uraren jasangarritasuna eta kalitate ona bermatuko dituen putzu berri bat eraikitzeko.Uraren kudeaketa gure herrien esku mantentzea eta udalerri osoaren hornidura burutzea.

Sorgingane Haurreskola, Urkabustaizko Musika Eskola eta Izarra Herri Eskola mantentzeko finantziazioa babesten eta handitzen jarraituko dugu, gure udalerriko zutabe nagusi gisa jarraipen eraginkorra eginez.

Hiri Antolamenduko Plan Orokorra aldatuko dugu, hirigunean eta nekazaritza- eta

abeltzaintza-ustiategietan jarduera ekonomikoak dibertsifikatzen laguntzeko, gure sektore ekonomikoa lau urtez galdu ondoren.

Lehen sektorea otsoaren aurrean babestuko dugu; belaunaldien arteko erreleboa erraztuko dugu; turismo aktiboa eta iraunkorra sustatuko dugu; gure merkataritza eta ostalaritza bultzatuko dugu eta lokal itxietan enpresa berriak sortzeko zuzeneko laguntzen lerro bat sortuko dugu.

Kirol- eta kultura-jardueren eskaintza eta aisialdi osasungarria dibertsifikatu eta zabalduko ditugu, Mugiment (ZUK) estrategia berreskuratuz eta jarduera-eskaintza berriak dituzten beste pertsona eta kolektibo batzuei alternatibak emanez.

Kultura-ondarea berreskuratzearen, mantentzearen eta zabaltzearen alde lan egingo dugu belaunaldien arteko lanaren ikuspegitik, eta, nolanahi ere, gure ingurunea zaintzea bermatuko dugu.

Hiri-ingurunearen zaintza eta garbitasuna hobetuko dugu, gure plaza, kale eta hiri-altzariez gozatzeko aukera izan dezagun. Etengabe garbituko ditugu pintadak edukiontzietan, markesinetan, eraikin publikoetan eta pribatuetan.

Energia fotovoltaikoa sortzeko sistema berriak ezarriko ditugu, eta, horretarako, eguzki-plakak instalatuko ditugu eskolan eta kultur etxean, frontoian eta Udal zaharrean, udal- eraikin guztien autosufizientzia energetikoa lortu arte.

Herritarrekin zuzeneko komunikazio-bide berriak ezarriko ditugu, gardentasuna eta udal- erabakien ezagutza bultzatzeko. Era berean, auzotarrek udalaren erabakietan parte har dezaten bultzatuko dugu.