KARLOS IDIRIN

Bardintasunaren alde lanean jarraituko dogu, diskriminazioa eta indarkeria desagertarazteko lanean. Pertsonen garapen integralari laguntzeko baldintzak sortuko doguz.

Energia garbien aldeko apustuari eutsiko diogu, gune berdeak mantenduz eta iraunkortasunaren aldeko sentsibilizazino kanpainak diseinatuz.

Azpiegiturak edota kultur-ekipamenduak dagozan tokien inguruko aparkalekuak handitu nahi doguz, baita etxebizitza gunetakoak be.

Erabilera desbardinetarako lokal bat eta hainbat parke bioosasuntsuak eta kiroletarako aproposak sortuko doguz. Halaber, programak eta belaunaldien arteko espazioak sustatuko doguz.

Kalitatezko Turismo Plan Estrategiko egokitu bat garatu gura dogu, bertoko ondarearen baliabide kultural, historiko eta naturalak aprobetxatzen dauana.

Zahartze aktibo eta osasuntsuaren politika finkatzearen aldeko jarrera irmoa daukogu, autonomia pertsonalari bultzada emoteko eta mendekotasunaren prebentzinoa sustatzeko.

Gure helburuetako bat da gazteen garapen pertsonala eta profesionala sustatzea, haien interesekin bat datozen proiektu eta jardueregaz.

Euskara biziberritzeko Plana onartuko dogu eta alfabetatzea garatzen jarraitu. Hiztegia, esamoldeak, erritoak eta tradizinoak berreskuratzea sustatuko dogu.

Tokiko ondarea berreskuratzea, balioestea eta zabaltzea bultzatuko dogu. Ondare historiko-kulturalaren zaintza eta ezagutza sustatuko dogu.

Teknologia berrien bitartez Udala herritarrei hurbiltzeko lan egingo dogu. Administrazio elektronikoa sustatzea eta Gobernu Irekia indartzea izango da geure zereginetako bat.