Jose Miguel Antia

Kiroldegia berrituko dugu, herritar eta kirol elkarteen beharrei erantzuteko. Bederatzi kaleko igerilekua eta eskubaloirako arauzko bigarren kantxa bat egingo dugu, gainontzeko zerbitzuak hobetuz.

Puntanueta eta Basustako herri-lurrak baliatuz, sustapen publikoko etxebizitza babestuen aldeko apustua egingo dugu. Beti ere, eraikinak inguruneari egokituz.

Zumaia txukunduko dugu, irisgarritasuna lehentasun gisa hartuta, mantentze-lanak ondo planifikatuz eta kaleak berrituz: San Telmo, Patxita Etxezarreta eta Estazioa, besteak beste.

Beheko plaza, Erkibe eta Zuloagak osatutako gunearentzat proiektu integrala landuko dugu. Herri sarbidea hobetuko dugu, erabilera anitzeko gune estali berria sortuz.

Zumaia inklusibo bat lortzeko, bizitzan zeharreko zaintza, heldutasun aktiboa, berdintasuna, gehien behar dutenen babesa eta izikidetza izango dira gure ekintzaren ardatzak.

Beheko Plaza Zentroa berrituz eta Erkiben ludoteka jarriz, belaunaldien arteko ekimenak lantzeko eremu berezia sortuko dugu: “Beheko Plaza Bizitza-Gunea”.

Etxebizitzetan igoigailuak ipini eta fatxadak berritzeko, zein energia berriztagarrien inslalazioak ezartzeko dirulaguntzak eskainiko ditugu.

Futbol taldearekin elkarlanean eta dituzten beharrak aintzat hartuta, Puntanuetako futbol zelai berriaren eta erantsitako instalazioen proiektua garatuko dugu.

Zumaia bizi, dinamiko eta euskalduna. Merkataritza, jarduera ekonomikoa eta enplegua bultzatuz, aparkalekuak egokituz eta kultura eta kale-giroa indartuz.

Natur ingurunea zainduko dugu, energia berriztagarriak eta eredu komunitarioak irmoki sustatuz eta Puntanuetako hezegunea lehengoratuz.